Аһаҕас уруоктар
16.04.2018 19:27
Хас биирдии учуутал оҕону кытта уруокка үлэлииригэр араас ньымалары, сатабыллары, албастары туһанан үөрэтэр. Аһаҕас уруоктарга учуутал бэйэтин опытын көрдөрөр, атастаһар. Уруок ыытан учуутал сайдар, саҥа саҕахтары бэйэтигэр арыйар.
Кулун тутар ый устата Ороссолуода орто оскуолатын учууталлара аһаҕас уруоктары ыыттылар. Хас биирдии холбоһуктан биир үрдүкү категориялаах уонна саҥа үлэлээн эрэр эдэр учууталлар уруоктарын көрдөрдүлэр. Ый устата бииртэн-биир чочуллубут, интэриэһинэй, араас саҥа ньымалары туттан бэлэмнэммит уруоктары көрдүбүт, ырыттыбыт.
Салҕыы холбоһуктар муус устар ыйга маастар-кылаастары көрдөрөргө бэлэмнэниэхтэрэ.
