Биһиги ыалдьыттарбыт
Муус устар 6 күнүгэр Ороссолуода орто оскуолатыгар олус туһалаах, интэриэһинэй күн буолан ааста. Ол курдук, биһиэхэ ыалдьыттыы Дьокуускай куораттан “Чуораанчык” сурунаал уонна “Оҕо дыбарыаһыттан” дириэктэри иитэр үлэҕэ солбуйааччыта Зуева Н.Д. кэллилэр.
Бу күн кэлэн оскуолабыт үөрэнээччилэрин уонна “Күнчээн” уһуйаан иитиллээччилэрин кытта көрсөн кэпсэттилэр, бэйэлэрин үлэлэрин билиһиннэрдилэр. Оҕолор “Чуораанчык” сурунаалы кытта көрсөргө олус диэн бэлэмнэммиттэр хоһоон, ырыа уонна бэйэлэрэ илиилэринэн оҥорбут бэлэхтэрин аҕалан туттардылар.
Ону таһынан, ыалдьыттарбыт Мэҥэ-Хаҥалас үөрэҕириитин историятын көрдөрөр музейы сэргии көрдүлэр, “Музейнай дьыала” иитиллээччилэрин кытта көрсөн кэпсэттилэр. Инникитин биһиги музейбытын кыттта бииргэ үлэлэһэргэ сүбэлэстилэр.
Онон, бу күн олус туһалаах уонна биһиги музейбыт инникитин сайдарыгар “Оҕо дыбарыаһын” кытта бииргэ үлэлиирэ олус туһалаах буолуо диэн эрэнэбит.
Суруйда: Сивцева Айта
10 кылаас үөрэнээччитэ