«Браво танцор»

06.12.2018 20:46

 

Биһиги Ороссолуода орто оскуолатын “Тэтим” үҥкүү ансаамбыла ахсынньы 2 күнүгэр Дьокуускай куоракка Афанасий Афанасьев үбүлүөйдээх сылыгар аналлаах “Браво танцор” республикатааҕы үҥкүү күрэҕэр кыттан кэллибит.

Куонкурус түмүгэр, 3 кылаас үөрэнээччитэ Татаринова Нарыйаана “Куукула”  уонна 6 кылаас үөрэнээччитэ Степанова Оля “Тарантелла. Девочка с колокольчиками” үҥкүүтүлэринэн III истиэпэннээх дипломант буоллулар. Онтон, “Тэтим” бөлөҕүнэн “Күөрэгэйдэр” үҥкүүбүт I истиэпэннээх дипломант үрдүк аатын ылары ситистэ.

Суруйда: Попова Нарыйаана

5 кылаас үөрэнээччитэ