Күһүҥҥү быраактыка түмүктэннэ

    "Үлэ киһини киэргэтэ" бу курдук тылларынан кынаттанан сылын аайы Ороссолуода агро-хайысхалаах орто оскуолата "Күһүҥҥү хомуурга" тахсар. Биһиги оскуолабыт үөрэнээччилэрэ үлэни-үөрэҕи тэҥҥэ тутан, араас ыарахаттартан толлубат, бэйэ-бэйэҕэ көмөлөһөр буола иитиллэн тахсаллара барыта күһүҥҥү быраактыкаттан саҕаланара саарбаҕа суох. 

    Ол курдук, бу үөрэх дьыла эмиэ "Күһүҥҥү хомууртан" саҕаланна. Оҕолор, үлэһиттэр бары хортуоска хостооһунугар, моркуоп, сүбүөкүлэ үлэтигэр нэдиэлэ устатыгар үлэлээн бу сыл өлгөм үүнүүтүн хомуйдуулар.