Хомуур-2018

Агрохайысхалаах оскуолаларга күһүн биир сүрүн үлэ кэмин түмүктүүр кэминэн буолар. Биһиги оскуолабытыгар “Хомуур” күнүн ылар биир саамай күүтүүлээх, оҕолор, төрөппүттэр, учууталлар бары кэтэһэр бырааһынньыктара буолар.

Быйыл “Хомуур-2018” алтынньы 20 күнүгэр ыытылынна. Нэдиэлэ устата оскуолаҕа араас быыстапкалар, кылаастар икки ардыларыгар күрэхтэр ыытылыннылар. Кылаастар бары бэлэмнэнэн, араас үчүгэй, дьон хараҕын үөрдэр оҥоһуктарын быыстапкаҕа уурдулар. Бука-бары оҕолор араас норуоттар буоланнар таҥнан-симэнэн, үҥкүү-ырыа аргыстанан бэйэни-билиһиннэрии күрэҕэр бэрт сэргэхтик кытыннылар. Ол кэннэ, төрөппүттэрин кытта кылаастарын муннугун киэргэтэн, норуоттарын аһын астаан дьүүллүүр сүбэни кэпсээн кэһиилээх тоһуйдулар. Хомуур бырааһынньыга атыы-эргиэн дьаарбанкатынан түмүктэннэ.

Сылын аайы оҕолор күһүҥҥү практикаҕа тахсан хортуоска, моркуоп, сүбүөкүлэ хомуйааһыныгар үлэлииллэр, бу күн оҕолорго оскуолабыт дириэктэрэ Никифоров Н.Л. эҕэрдэ тылын эттэ уонна дириэктэри производственнай үлэҕэ солбуйааччы Антонова В.Д. көтүтүүтэ суох үлэлээбит үөрэнээччилэргэ  харчынан бириэмийэ туттарда.

Бу курдук, үлэни, үөрэҕи өрө тутар биһиги оскуолабыт биир улахан тэрээһинэ олус үчүгэйдик түмүктэннэ.