Ороссолуода оскуолатыгар “Сыл бастыҥ кылааһа” конкурс
“Сыл бастыҥ кылааһа” конкурс чэрчитинэн Мэҥэ-Халаҥалас улууһун Ороссолода нэһилиэгин орто уопсай үөрэхтээһинин оскуолатыгар араас тэрээһиннэр ыытыллаллар.
Ол курдук “Музыка для всех” бырайыагынан кылаастарынан государственнай гимнэри үөрэтии күүскэ бара турар. Хас биирдии кылаас Саха сирин, Мэҥэ-Хаҥалас уонна оскуола гиимин билиэхтээх, ол сыалтан гиимнэри көрүү-истии тэрээһиннэрэ буолаллар.
Кыайыы 70 үбүлүөйдээх сылын көрсө оҕолорго уруһуйдатыы, чинчийэр үлэлэри ыытыы буолар. Сыллата буоларын курдук, күһүн үөрэх дьылын саҕаланыытыгар, биһиги оҕолорбут нэһилиэкпит ытык кырдьаҕастарыгар, инбэлииттэргэ оҕуруот аһын хомуйууга, мас саһааннааһыныгар көмөлөспүттэрэ. Сааһын хаар түһэриитэ, кыайыы күнүгэр аналлаах кэнсиэр, көрсүһүүлэр, акциялар сыллата буоларын курдук былааҥҥа тураллар.
Спорду, чөл олоҕу өрө тутан, биһиги оскуолабытыгар араас хайысхалаах куруһуоктарынан, секцияларынан оҕолорбут 100% хабыллан үлэлии-үөрэнэ олоробут. Спорт араас күрэхтэригэр оҕолорбут кэккэ ситиһиилээхтэр.
Оскуолабыт бастакы кылааһын үөрэнээччитэ Нарыйа Попова дуобакка Өрөспүүбүлүкэҕэ тиийэ оскуолатын чиэһин ситиһиилээхтик көмүскүүр.
Остуол тиэнниһигэр Антонов Саша, 9 кылаас үөрэнээччитэ, улуус сүүмэрдэммит хамаандатыгар киирэн, ааспыт сайын Намҥа буолан ааспыт спартакиадаҕа улуус чиэһин стиһиилээхтик көмускээн хамаанданан 1 миэстэни ылары ситиспиттэрэ. Дмитриева Сайыына ааспыт сайын Кытай народнай республикатыгар баран, остуол тенниһигэр сборга дьарыктанан кэлбитэ.
Патриотическай иитии чааһыгар, Филиппов Петр Михайлович салайыытынан оскуолабыт “Снежный барс” хамаандата сылын ахсын улууска ситиһиилээхтик кыттар. Өбүгэлэрбит төрүт күрэхтэрин көрүннэрин умнубат сыалтан “Өбүгэ оонньуулара” улуустааҕы уонна Өрөспүүбүлүкэтээҕи күрэхтэргэ үрдүк ситиһиилээхтик кыттан оскуолабыт аата ааттана турар.
Үөһээ этиллибитинэн, “Сыл бастыҥ кылааһа” конкурс чэрчитинэн, оскуолабыт иһигэр оҕолорго биир тэҥ форма кэтиитин ирдээһин, сарсыарда аайы чэбдигирдэр зарядка, олохтоох нэһилиэнньэҕэ туһаны оҥоруу үлэлэрэ салҕанан бараллар.
