Оскуола лидерын талабыт
Ааспыт нэдиэлэ5э оскуолабытыгар лидеры талыы быыбара буолла. Кандидааттарынан 3 үөрэнээччи сайабылыанньатын биэрбиттэрэ: Саша Соловьева (9 кылаас), Ваня Петров (9 кылаас), Алина Игнатьева.(10 кылаас).
Быыбар иннигэр пропагандалыыр үлэлэри ыыттылар. 3 – түү киһилээх агитациялыыр бөлөх тэриллэн дьыалабыай оонньууга кытыннылар. Икки сүрүн түһүмэх ыытылынна: 1) программаны билиһиннэрии; 2)Дебакка киирсии. Оонньуу түмүгэр Алина Игнатьева хамаандата бастаата.
Быыбардааһын киирсиилээхтик ааһан уопсай куоластааһыҥҥа Саша Соловьева - 29 куолаһы ылан, оскуола лиидэрэ буолла. Иван Петров- 27, Алина Игнатьева – 26 куолаһы ыллылар. Бу үөрэнээччилэр оскуола салайар үлэтигэр ситиһиилээхтик кыттар ис кыахтарын кордөрдүлэр. Оскуола саҥа талыллыбыт бэйэни салайыныы үрдүкү тэрилтэтигэр ситиһиилээх, кимилээх үлэни баҕарабыт.
пост юнкора Эльза Винокурова 7-с кылаас.