«Оскуола уонна дьиэ кэргэн» декадата
«Оскуола уонна дьиэ кэргэн» декадата
Быйылгы үөрэх сылыгар сэтинньи ый 9 – 18 күннэригэр Ороссолуода орто оскуолатыгар «Оскуола уонна дьиэ кэргэн» декадата тэрилиннэ. Декада сыалынан дьиэ кэргэн уонна оскуола бииргэ сомоҕолоһон үлэлээһиннэрин ситиһии буолар.
Сүрүн тэрээһиннэринэн Аҕалар кыттыылаах аһаҕас кылаас чаастара, «Булчут сүбэтэ» аҕа уолунаан булт туһунан хаһыатын көрүү күрэҕэ. Кылаас чаастара сүһүөхтэринэн араарыллан ыытылыннылар. Орто сүһүөхтэргэ кылаас чааһыгар Экология министерствотын Саха сиринээҕи салаатын дирекциятын старшай эколога Сергеев П.С., улуус “Аҕа сүбэтин” общественнай түмсүү солбуйааччыта Филиппов С.Н., нэьилиэк “Аҕа сүбэтин” чилиэнэ Филиппов П.М. уолаттарга булт абылаҥар угуйар үөрүйэхтэри кэпсээтилэр. Бары уолаттар элбэх боппутуостарга эппиэти сэҥээрэн иһиттилэр.
“Эн дьолуҥ оҕо” педвсеобуч ток – шоу көрүҥүнэн ыытылынна. Төрөппүттэр бэриллибит түһүмэхтэргэ дакылааттары бэлэмнээн эксперт иннигэр ааҕан зал, эксперт боппуруостарыгар эппиэттээтилэр. Араас темаҕа дакылааттары көмүскээтилэр, барыта 11 төрөппүт аахта. Кэпсэтии түмүгүнэн төрөппүттэргэ рекомендация ылылынна.
Төрөппүттэр “Биһиги дьиэ кэргэн иллэҥ кэммит дьарыга” диэн быыстапканы туруордулар. Быыстапкаҕа 3 кылаас (салайааччы Попова И.В.), 1 кылаас (салайааччы Никифорова Н.Н.) элбэх үлэлэри туруордулар. Орто сүһүөхтэргэ 5 кылаас (салайааччы Антонова Е.В.), 6 кылаас (салайааччы Захарова Е.П.)
Сэтинньи ыйга саха дьонугар барытыгар идэһэ сиир үтүө үгэс баар. Онон биһиги оскуолаҕа “Идэһэ бырааһынньыга” ыытылынна. Бу күн биһиги оскуолабыт остолобуойа оҕолору идэһэбит остуолугар саха амтаннаах аһылыгын сахалыы лэппиэскэни, сэлиэйдээх миини дэлэччи хотордо. Төрөппүттэр кылаастарынан «Саха маанылаах астара” остуолларын тэлэччи тартылар. Улахан күрэх кылаастарынан ”Идэһэ бүлүүдэ” күрэҕэ ыытылынна. Кыайыылаах 7 кылаас (Соловьева В.И.) маннайгы миэстэни ылан кылаан бирииһинэн наҕараадаланна. Идэһэ бырааһынньык түмүктүүр чааһыгар 5-с кылаас үөрэнээччилэрэ идэһэ күнүн туһунан сценка көрдөрдүлэр.
Декада түмүктүүр тэрээһининэн “Өбүгэ оонньуулара” күрэх ыытылынна. Күрэххэ кылаастан 2 төрөппүт, 2 оҕо хамаанда туруоран сахалыы оонньууларга: хабылык, түөрэх тэбии, мохсуо, чыыстай күрэс былдьастылар. Күрэхтэһии түмүгүнэн алын сүһүөхтэргэ 3 кылаас (салайааччы Попова И.В.) бастаата, орто сүһүөхтэргэ 8 кылаас хамаандата (салайааччы Сидорова Т.Д.).
Оскуолабыт иһинэн сэтинньи ыйга сыллата ыытыллар тэрээһин сылтан сыл араас көхтөөх, бэһиэлэй буолан, төрөппүт оскуолаҕа көрөөччү, ыалдьыт эрэ буолбакка, тэрийээччи, көх – нам буолар.
Оскуола социальнай педагога: Степанова А.С.