Педагогическай субботник
Педагогическай маастарыстыба сылын чэрчитинэн муус устар 20 күнүгэр Павловскай, Хаптаҕай уонна Ороссолуода орто оскуолаларыгар ”Педагогическай субботник” ыытылынна. Үс оскуола учууталлара бэйэ-бэйэлэригэр уруоктарын, дьарыктарын ыытан көрдөрдүлэр.
Ороссолуода орто оскуолатыгар түөрт учуутал икки уруоктаах уонна икки эбии дьарыктаах кэлэн үлэлээтилэр. Ол курдук, Иванова Надежда Николаевна 4 кылаастарга технология уруогун, Кривошапкина Мария Николаевна 11 кылаастарга нуучча тылын уруогун, Дмитриева Александра Андреевна В.Н. Оконешников – черчение учууталын туһунан, Парфенов Николай Терентьевич – “Уолан” кулууп туһанан эбии дьарыктарын ыыттылар. Уруоктары Ороссолуода оскуолатын учууталлара киирэн көрдүлэр.
Биир күннээх үлэ кэнниттэн ыалдьыттар уонна Ороссолуода орто оскуолатын учууталлара төгүрүк остуолга мустан, бүгүҥҥү ыытыллыбыт уруоктары ырыттылар, учууталлар бэйэ-бэйэлэригэр санааларын, сүбэлэрин-амаларын эттилэр.
Уопсай түмүккэ, тэрээһини олус туһалааҕынан, маннык тэрээһиннэргэ кыттан көрөөччүлэр даҕаны, уруок да ыытар учууталлар элбэх саҥаны, интэриэһинэйи билэллэрин бигэргэттилэр.