Платон Алексеевич Ойуунускай төрөөбүтэ 125 сылыгар аналлаах нэдиэлэ
Платон Алексеевич Ойуунускай
төрөөбүтэ 125 сылыгар аналлаах нэдиэлэ
Платон Алексеевич Ойуунускай тохсунньу 30 күнүгэр 1893 күн сирин көрбүтэ. Кыра эрдэҕиттэн, айылҕаттан олус айдарыылаах, талба-талааннах буолан улуу суруйааччы аатын сүгэр.
Ороссолуода орто оскуолатыгар Платон Алексеевич Ойуунускайга аналлаах нэдиэлэ буолан ааста.
Ол курдук, нэдиэлэ саҕаланыытыгар алын кылаастарга кылаас чаастарын оскуола библиотекаря Степанова А.С. уонна нэһилиэк библиотекары Апросимова А.Е. тэрийэн ыыттылар. Нэдиэлэ устата оскуола араадьыйатыгар П.А.Ойуунускай олоҕун, айар үлэтин туһунан оҕолор кэпсээтилэр.
Онтон 5-8 кылаастарга “Квест” оонньуу, онтон 9-11 кылаастарга аһаҕас трибуна ыытылынна. “Квест” оонньууга оҕолор хамаандаларынан арахсан кытыннылар, 2хамаандаҕа арахсан баран, араас сорудахтары толордулар. Бастакы хамаанда хамандыыра Никифорова Алина, онтон иккис хамаанда хамандыырынан Антонова Настя буоллулар. Бу күрэхтэһии түмүгүнэн Антонова Настя хамаандата иннигэр тахсан кыайыылаахтарынан буоллулар. Оҕолор бары дипломнарынан наҕараадаланнылар. Онтон, “Аһаҕас трибуна” күрэҕэр оҕолор хоһоонноохтук, дорҕоонноохтук хоһоон ааҕыытыгар холоннулар. Онно 11 кылаас үөрэнээччилэрэ Ш. Дайаана уонна В.Эльза тэннээхтэрин булбатылар, кыайыылаахтарынан буоллулар.
Оҕолор бары наһаа үчүгэйдик сэргэхсийэн бу нэдиэлэни үөрүүлээхтик атаардылар.
Суруйда: Петрова Аэлита
8 кылаас үөрэнээччитэ