«Сир эдэр хаһаайына»

«Сир эдэр хаһаайына» быйыл Мэҥэ-Хаҥалас улууһун агро хайысхалаах Ороссолуода орто оскуолатыгар үһүс сылын таһаарыылаахтык ыытылынна.

Бу күрэх агро хайысхалаах оскуолаҕа үөрэнэр оҕо сатабылын теория эрэ өттүнэн буолбакка, практикаҕа туһанарга үөрэтэр, ону таһынан  агро хайысхалаах оскуолаларга эбии дьарык үлэтин үрдэтэргэ аналлаах. “Сир эдэр хаһаайына” бырайыак 2014 сыллаахха Ороссолуода орто оскуолатыгар дириэктэри производственнай үлэҕэ солбуйааччы Антонова В.Д. көҕүлээһининэн оҥоһуллубута.

 Быйылгы күрэх таһыма үрдээн  илин эҥэр улуустарга ыытылынна. Барыта 7 агро хайысхалаах оскуолалар кэлэн күөн көрүстүлэр, ол курдук, Амматтан Абаҕа,  Бөтүҥ,  Уус-Алдантан Танда, Уус-Майаттан  Күп, Мэҥэ-Хаҥаластан Ларионов аатынан Майа  уонна Ороссолуода, Хаҥаластан 2-Дьөппөн, Чурапчыттан Сылаҥ орто оскуолалара  кыттыыны ыллылар.  Оскуола аайыттан биир салайааччы уонна 8 үөрэнээччиттэн турар хамаанда кэлэн кытынна.

Тэрээһин экспертэринэн үлэлээтилэр:

Коколова Л.М. – ветеринарнай наука доктора, гельминтология лабораториятын сэбиэдисэйэ

Борисова П.П.- тыа хаһаайыстыбатын наукатын кандидата.

Александрова И.Н. – зоотехник.

Жирков Н.С. – СР агрооскуолаларын союһун дириэктэрэ.

Протопопова А.В.- агроэкология уонна хортуоска үүннэриитин лабораториятын үлэһитэ.

Павлова С.А. – тыа хаһаайыстыбатын наукатын кандидата, эбии аһылыгы бэлэмнээһин лаборатория  сэбиэдиссэйэ.

Григорьев И.И. – таба иитиитин лабораториятын үлэһитэ.

Федоров А.Е.- Ороссолуода орто оскуолатын технологипя учуутала.

Пестерева Е.С. – тыа хаһаайыстыбатын наукатын кандидата, эбии аһылыгы бэлэмнээһин лабораториятын старшай сотруднига.

Николаева Н.А. - тыа хаһаайыстыбатын наукатын кандидата.

Стручков Ф.А. – улуустааҕы үөрэх управлениятын сүрүннүүр специалиһа.

“Сир эдэр хаһаайына” күрэх  хамаандалар бэйэни билиһиннэриилэриттэн   саҕаланна.

Иккис түһүмэҕинэн, бириэмэҕэ тургутуктары толоруу буолла. Ол кэнниттэн, квест-оонньуу ыытылынна. Манна оҕолор станцияларынан сылдьан араас сорудахтары толортоотулар. Бастакы станция “Юные животноводы”, иккис “Юные цветоводы”, үһүс  “Юные механизаторы “, төрдүс “Юные овощеводы”.  Станцияҕа үөрэнээччилэр сатабылларын тургутан көрдүлэр.

Кыайыылааҕы быһаарар финалга, станция түмүгүнэн түөрт бастыҥ оҕо күрэхтэстэ. Араас сиэмэни наардааһын, сибэкки олордуу, үүт сүүрдэр сэппэрээтэри хомуйуу, техниканы наардааһын  уонна 10 боппуруоска бириэмэҕэ эппиэттээтилэр. Ол түмүгүнэн, Ороссолуода орто оскуолатын 8 кылааһын үөрэнээччитэ Алик Трофимов “Сир эдэр хаһаайына” ааты сүктэ.

         Уопсай түмүгүнэн, маннык анал ааттар, миэстэлэр таҕыстылар, Ороссолуода орто оскуолата – 1 миэстэ, Танда орто оскуолата -2 миэстэ, 2-Дьөппөн орто оскуолата – 3 миэстэ.

“Юные овощеводы” анал ааты Ороссолуода орто оскуолатын хамаандата, “Юные животноводы” анал ааты Ларионов аатынан Майа орто оскуолата, “Юные цветоводы” анал ааты Танда орто оскуолата, “Эдэр механизатор” анал ааты Күп орто оскуолата ылары ситистилэр. Бэйэни билиһиннэриигэ бастакы миэстэни Ларионов аатынан Майа орто оскуолата, иккис миэстэни Ороссолуода орто оскуолата, үһүс миэстэни Танда орто оскуолата ыллылар.

Кэлбит оҕолор күрэҕи сөбүлээн, астынан бардылар. Эһиилги дьылгпа бу күрэххэ кыттыан баҕалаах элбэх.