“Буорах сыттаах хоһооннор”

Ороссолуода орто оскуолатыгар олус элбэх айар талааннаах учууталлар үлэлии-хамсыы сылдьаллар. Биһиги учууталларбыт үлэлэрин таһынан араас өттүнэн айар дьоҕурдарын сайыннаран, сылтан-сыл үөрэнээччилэригэр олус интэриэһинэй тэрээһиннэри оҥорон ыыталлар.

Ыам ыйын 8 күнүгэр Ороссолуода нэһилиэгин Кыайыы парадын кэнниттэн 1 -11 кылаас үөрэнээччилэригэр, алын кылаас учууталын Попова Инга Викторовна тэрийиитинэн “Буорах сыттаах суруктар” диэн хоһоон ааҕыытын күрэҕэ ыытылынна.

Күрэх сыала-соруга, Улуу Кыайыы күнүн суолтатын үрдэтии, хоһоонноохтур ааҕар дьоҕуру сайыннарыы, кылаас үөрэнээччилэрин уонна төрөппүттэрин түмэ тардыы, түмсүүлээх буоларга ыҥырыы буолар.

Бары кылаастар олус үчүгэйдик бэлэмнэнэн кэлэн ырыа, хоһоон үөрэтэннэр кылгас испиктээк туруоран көрдөрдүлэр. Тэрээһин сонунунан буолла,төрөппүттэр оҕолорун кытта кэлэн хоһоон аахпыттара испиктээк туруоруутугар күүс-көмө буолбуттара.

Бу курдук, ыам ыйын 8 күнүгэр, Ороссолуода орто оскуолатын үөрэнээччилэрэ бу Улуу Кыайыы күнүн бэйэлэрин нөҥүө иҥэрэн, эһээлэрин, эбээлэрин санаан-ахтан аастылар, бу күн суолтатын туһунан өйдөөтүлэр, өссөэбии билии ыллылар.

Түмүккэ, 2-3 кылаас холбоһон туруорбут испиктээкэрэ муҥутуур кыайыылаахтарынан таҕыстылар уонна харчынан бириэмийэлэннилэр.

Суруйда: Шахурдина Дайаана

11 кылаас үөрэнээччитэ