“Junior skills” региональнай чемпионатка 2 миэстэ 6 кылаас үөрэнээччитэ Сергеева Наташа
Ороссолуода орто оскуолатыгар 2013 сылтан са5алаан технология предметин эдэр учуутала Аргунова Нюргуяна Михайловна үлэлии сылдьар. Ньюргуяна Михайловна Нам педагогическай колледжын ситиһиилээхтик бүтэрэн ылбыт идэтин, сатабылын оҕолорго тиэрдэн үлэлии-хамсыы сылдьар.
2016 сылтан бэйэтин авторскай бырайыагынан программа оҥостон “Кыл-сиэл дьарҕаата” диэн куруһуогун үлэлэтэр. Куруһуокка 3-6 кылаас үөрэнээччилэрэ, уопсайа 19 оҕо дьарыктанар. “Кыл-сиэл дьарҕаата” дьарыкка оҕолор былыр-былыргыттан өбүгэлэрбит дьарыктанар дьарыктарын салҕаан кылынан уонна сиэлинэн араас өрүү ньыматыгар үөрэнэллэр.
Куруһуок иитиллээччилэрэ сылын аайы ыытыллар “Оһуор-Мандар түһүлгэтэ” улуустааҕы талааннаах оҕолор быыстапкаларыгар кыттан 2017 сыл түмүгүнэн 3-4 кылаас оҕолоро 2 миэстэни уонна 2 кылаас оҕолоро 3 миэстэни ылбыттара.
2017-2018 үөрэх дьылыгар мин 6 кылаас үөрэнээччитэ Сергеева Наташа үһүс төгүлүн ыытыллар “Junior skills” региональнай чемпионатка “Сылгы сиэлиттэн оҥоһуктар” салааҕа кыттан 11 оҕоттон 2 миэстэни ылан кыайыы өрөгөйдөнөн кэллим.
Суруйда: Сергеева Наташа
6 кылаас үөрэнээччитэ