“Мин агро хайысхалаах оскуола үөрэнээччитэбин”

Ороссолуода орто оскуолатыгар алтынньы ыйга «Мин агро хайысхалаах оскуола үөрэнээччитэбин» диэн нэдиэлэ ыытылынна. Бу нэдиэлэҕэ араас сатабылы сайыннарар, үөрэтэр тэрээһиннэр ыытылыннылар. Ол курдук, алын кылаастарга “Сатабыл” күрэх, орто сүһүөх оҕолоругар “Оҕуруот устун айанныыбыт” оонньуу, үрдүкү сүһүөх оҕолоругар “Толкуйдаа, оонньоо, кыай” диэн оҕуруот үлэтин-хамнаһын, тыа хаһаайыстыбатыгар сыһыаннаах кылаастар икки ардыларыгар тыҥааһыннаах күрэх ыытылынна. 1-11 кылаас үөрэнээччилэрэ “Хортуоска” туһунан  сахалыы, нууччалыы хоһоон айыытыгар холоннулар, оҕолор айан кэлбит хоһооннорун араадьыйанан ааҕан иһитиннэрдилэр.

Сайыҥҥы сынньалаҥ кэмигэр үөрэнээччилэр оскуола бааһынатыгар моркуоп, сүбүөкүлэ үүннэриитигэр үлэлииллэр. Хас биирдии оҕо бэйэтигэр анаммыт сирдээх, ол сирин сайын устата көрөр-истэр уонна күһүҥҥү хомуурга ким саамай элбэх үүнүүнү ылбытынан “Чемпион оҕуруоччут” аатын сүгэллэр. Быйыл саамай элбэх үүнүүнү ылан 9 кылаас үөрэнээччитэ Вова Мохначевскай “Чемпион оҕуруоччут” аатын ылла.

Хас биирдии агро хайысхалаах оскуола үөрэнээччитэ бу нэдиэлэҕэ оскуолаҕа үөрэнэр сылларыгар билбит билиитин, сайыннарбыт сатабылын олоххо киллэрэн араас күрэхтэргэ кыттан кыайыы өрөгүй биллилэр. 

Суруйда: Сергеева Наташа

Мэҥэ-Хаҥалас улууһун Ороссолуода орто оскуолатын

6 кылааһын үөрэнээччитэ