“Саҕалааччы фермер” региональнай күрэххэ

Олунньу 24 күнүгэр агро-хайысхалаах оскуолалар икки ардыларыгар  бүтүн Россиятааҕы “Саҕалааччы фермер” күрэх  региональнай түһүмэҕэ Дьокуускай куоракка ыытылынна. Күрэххэ барыта уонтан тахса улуус уонна 18 хамаанда кыттыыны ылла. “Саҕалааччы фермер” күрэх сүрүн сыала тыа хаһаайыстыбатын кэҥэтии, элбэх оҕоттон сатабыллаах оҕолору булан саҥа үйэ маастардарын оҥорон таһаарыы. Ол инниттэн, күрэх – онньуу үс түһүмэҕинэн ыытылынна:

1 түһүмэх – Бизнец-бырайыак көмүскээһин, реклама.

2 түһүмэх - Ситуациялары ырытыы

3 түһүмэх – Дуэль. Хамаандалар утарыта боппуруостарын ыйыталаһыылара.

Бу күрэххэ Ороссолуода орто оскуолатын чиэһин 8 кылаас үөрэнээччилэрэ Соловьева Карина, Яковлева Лена уонна 10 кылаас үөрэнээччитэ Сивцева Айта көмүскээтилэр.

Оҕуруот аһынан дьарыктанар оскуола буоламмыт кыргыттар бырайыактара оҕуруот аһын кытта ыкса сибээстээх буолла, ол курдук “Переработка овощей методом сушки” оҕуруот аһын куурдан хаһааныы туһунан бизнец –бырайыак оҥорон көмүскээтилэр.

Ону таһынан, оскуолабыт араас өрүттээх бырайыактара бэйэлэрин үлэлэринэн быыстапка туруоран көрдөрдүлэр, көрөөччүлэри араас интэриэһинэй үлэлэринэн сөхтөрдүлэр.

“Саҕалааччы фермер” күрэх түмүгүнэн биһиги оскуолабыт 3 миэстэни ылары ситистэ.

Суруйда:  Сергеева Наташа   6 кылаас үөрэнээччитэ