“Саха дьахтарын кыһыҥҥы таҥаһа” тиэмэҕэ маастар кылаас

Олунньу 15 күнүгэр Ороссолуода орто оскуолатыгар  эбии үөрэхтээһин киинин “Оһуор утум” куруһуок салайааччыта Федорова Н.Г. маастар кылаас ыытан көрдөрдө.

Маастар кылаас тиэмэтэ “Саха дьахтарын кыһыҥҥы таҥаһа”, саҕаланыытыгар араас кыһыҥҥы соннору, оһуордарын-мандардарын быһааран Надежда Григорьевна хаартыскаҕа ойуулары көрдөрдө.  Маастар кылааска   “Оһуор утум” куруһуокка дьарыктанар кыргыттар иистэнэ сылдьар  сахалыы сүктэр кыыс таҥаһын-сабын көрдөрдүлэр, ол курдук кыргыттар бааччы, сүктэр кыыс хаппахчытын аанын, ньамыаскалаах сүүс таҥаһын, түөһүнньүк  курдук,  араас дьэрэкээн оһуордарын тутан-хабан оҥорбуттарын билиһиннэрдилэр.

Дьарык иккис аҥарыгар Надежда Григорьевна уктаалыы баттата сиик түһэрэргэ үөрэттэ. Бу олус былыргы сииги киһи бэйэтэ эрэ тутан көрдөҕүнэ сатыыр уустук тигиини көрдөрбүтэ олус интэриэһинэй буолла.

Бу тэрээтин оҕолорго, улахан дьоҥҥо олус туһалаах, өбүгэлэрбит үгэһин дьоҥҥо-сэргэҕэ тириэрдэргэ ананна.

Суруйда: Бочкарева Анастасия

төрүт культура учуутала