“Тыл хоһууна” анал аат хаһаайына Коля Григорьев
“Тыл хоһууна” анал аат хаһаайына Коля Григорьев
«Төлкө» общественнай тэрилтэ тэрийэн ыытар “Тыл хоһууна” күрэх быйыл Балыктаах орто оскуолатыгар ыытылынна. Уол оҕону бары өттүнэн сайыннарар күрэххэ быйыл биһиги оскуолабыт бастакытын кытынна. 7 кыттааччыттан турар хамаандаҕа биһиги оскуолабыт 5-6-7 кылааһын үөрэнээччилэрэ, ол курдук Аргунов Эрсан, Трофимов Валерьян, Иванов Витя, Иванов Айтал, Павлов Данил, Соловьев Герасим уонна Григорьев Коля буолан биир сомоҕо хамаанда тэринэн кытыннылар.
Уолаттар бу күрэххэ хомоҕой тылларынан, булугас өйдөрүнэн, тобуллаҕас толкуйдарынан атын оскуола хамаандаларын кытта күөн көрүстүлэр. Күрэх бүтэһик түһүмэҕинэн өбүгэ оонньуулара ыытылынна, манна күүстээхтэр, сатабыллаахтар, быһыйдар күөн көрүстүлэр.
Тыҥааһыннаах күрэх кэнниттэн бу курдук ситиһиилэнэн уолаттар үөрүүлэрэ үгүс, ол курдук “Тыл хоһууна” күрэх 2 миэстэлээх кыайыылаахтара, ону таһынан 7 кылаас үөрэнээччитэ Коля Григорьев күрэх түмүгүнэн “Тыл хоһууна” анал ааты ылан кыайыы өрөгөйдөнөн кэллилэр.
