Аһымал кэнсиэр

Ыам ыйын 5 күнүгэр Ороссолуода агрооскуолатын иһинэн үлэлии-хамсыы олорор интернат иитиллээччилэрэ, үлэһиттэрэ, төрөппүттэрэ буолан   нэһилиэккэ аһымал  кэнсиэр көрдөрдүлэр. Аһымал кэнсиэр биһиги оскуолабыт үөрэнээччитин ийэтигэр Хаатылыма нэһилиэгин олохтооҕор Трофимова Раиса Васильевнаҕа ананна.

Кэнсиэр Кыайыы күнүн тиэмэтинэн ыытылынна. Ол курдук  Ф.К.Попов олорон ааспыт олоҕуттан,  киниэхэ анаан суруйбут ахтыылартан  быһа тардан туруорулунна. Оҕолор төрөппүттэрин, баспытааталларын кытта тахсан олус үчүгэйдик артыыстааннар, ыллаан-туойан, үҥкүүлээн көрөөччү биһирэбилин ыллылар.

Кэнсиэргэ Ороссолуода бары тэрилтэлэрэ, дьоно-сэргэтэ муһуннулар уонна аһымал-акцияҕа кыттыыны ыллылар. Аһымал-акцияҕа киирбит үп-харчы Раиса Васильевна эмтэнэ барарыгар күүс-көмө буолуо диэн эрэнэбит.

Суруйда: Сергеева А.С.

интернат иитээччитэ