Агронэдиэлэ

Сэтинньи ыйга Ороссолуода орто оскуолатыгар агро нэдиэлэ чэрчитинэн олус интэриэһинэй тэрээһиннэр буолан аастылар. Бу нэдиэлэни, дириэктэри производственнай чааска солбуйааччы Антонова В.Д., агрономнар: Степанова Т.М.,  Игнатьева М.И. автодело учуутала Константинов И.Н. иилээн-са5алаан ыыттылар.  Ол курдук, үс сүһүөххэ «О5уруот устун айан» диэн сүүрүүлээх – көтүүлээх, толкуйдатар оонньуулар ыытылыннылар. Алын кылаас үөрэнээччилэригэр «Оҕуруот устун айан” күрэххэ бастакы миэстэни “Үнүгэсчээн”, иккис миэстэни “Силисчээн” уонна үһүс миэстэни “Туорахчаан хамаандалар ыллылар”.

Онтон орто сүһүөхтэргэ 5-8 кылаас үөрэнээччилэригэр “Агро это интересно” күрэх ыытылынна, о5олор хамаандаларынан арахсан кытыннылар,  манна бастакы миэстэни “Доҕордоһуу”, иккиһи “Оҕурсу” үһүс миэстэни “Оҕуруот астара” хамаанда ыллылар. Улахан кылаас оҕолоругар “ТОК” оонньуу ыытылынна, үөрэнээччилэр оҕуруот үлэтин, биллэр-көстөр оҕуруоччуттар тустарынан билэллэрин – көрөллөрүн  бигэргэттилэр.

Хас түһүмэх аайы кыайыылаах оҕолор грамоталарынан, бириистэринэн наҕараадаланнылар.

Суруйда:      Петрова Аэлита 6 кылаас үөрэнээччитэ