Бастыҥ үөрэнээччилэр бэстибээллэрэ

 “Үөрэх баар – бараммат баай”  бу курдук дэбиистээх Ороссолуода орто оскуолатыгар сылын аайы Бастыҥ үөрэнээччилэр бэстибээллэрэ ыытыллар. Барыта 28  туйгун үөрэхтээх оҕо бэстибээлгэ сырытта. Бэстибээл үөрэнээччилэр баалларыттан саҕаланна. Баал кэнниттэн Ороссолуода нэһилиэгин аҕа баһылыга Макаров И.В. эҕэрдэ тылын эттэ уонна туйгун үөрэнээччилэргэ бэйэтин аатыттан сэмэй бэлэхтэри биэрдэ. Оскуолабыт дириэктэрэ Никифоров Н.Л. үөрэх бастыҥнарын эҕэрдэлээтэ уонна төрөппүттэргэ “Махтал суруктары” туттартаата.  Ону таһынан предметник учууталлар бэйэлэрин хайысхаларыгар чаҕылхай оҕолорго эҕэрдэ тыл эттилэр, сэмэй бэлэхтэринэн бэлиэтээтилэр. Үөрэнээччилэр учууталларыгар бэйэлэрэ оҥорбут дьэрэкээн открыткаларын, эҕэрдэ суруктарын утары ууннулар.  

Бу күнү оскуолабыт талааннаах оҕолоро “Тэтим” үҥкүү бөлөҕө, “Сир симэхтэрэ” вокальнай ансаамбыл эҕэрдэ кэнсиэрдэринэн киэргэттилэр.

Суруйда: Сергеева Наташа

 5 кылаас үөрэнээччитэ