Буойун учууталлары чиэстээтибит

        Улуу Кыайыы 71 сылын Ороссолуода орто  оскуолата уратытык, үрдүк тэрээһиннээхтик ыытта. Ол курдук, бастакы улахан үлэ, биир дойдулаахтарбытын,  үөрэппит, үөрэтэ сылдьар буойун учууталларбытын хас биирдии үөрэнээччи билэ-көрө киэң тутта сырыттын диэн, алын кылаас учуутала Попова И.В. кө5үлээһининэн Ороссолуода оскуолатын буойун учууталларын, выпускниктарын чиэстиир истиэндэ үөрүүлээх арыллыыта буолла, бу истиэндэ5э киирбит, билигин о5олору байыаннай тыыңңа иитэ-үөрэтэ сылдьар, физкультура учуутала,  Филиппов П.М. тыл эттэ, о5олорго бэйэтин туһунан кылгастык билиһиннэрдэ.

       Тэрээһин иккис чааһынан, кылаастар икки ардыларыгар «Музей саалаларынан» көрүү ыытылынна, манна хас биирдии кылаас сэрии кэмин көрдөрөр хартыына, хаартыска, киинэ буланнар биир ордук ча5ылхай кэмин үтүктэн хартыына оңорон көрдөрдүлэр. Дьүүллүүр сүбэ5э оскуола дириэктэрэ Никифоров Н.Л., физкультура учуутала Филиппов П.М., технология учуутала Федоров А.Е. буолан о5олор артыыстаан, ол кэми төһө итэ5этиилээхтик үтүктэн көрдөрөллөрүн сыаналаатылар, кэрийэ сылдьан хаартыска5а түһэрдилэр. Бу күн о5о саадын иитиллээчилэрэ, баспытааталларын кытта киирэн ыалдьыттаатылар, тыыннаах музей устун күүлэйдээтилэр.

       Бу күн оскуола устун о5олор, учууталлар байыаннай формалаах, саалаах сырыттылар, оскуола араадьыйатынан байыаннай ырыалар тыаһаатылар, онон Кыайыы хайдах кэлбитин о5олор көрөн-истэн, бэйэлэрэ оруолга киирэн биллилэр.

       Түмүккэ, дьүүллүүр сүбэ бастыңнары талан грамоталарынан, кубоктарынан на5араадалаатылар.