Чугунов ааҕыыларын кыайыылааҕа

Ороссолуода орто оскуолатын 8 кылааһын үөрэнээччитэ Христофорова Джулия дьиэ кэргэнинээн иккис сылын кролик иитиитинэн дьарыктаналлар. Джулия кылаас салайааччытын Сидорова Тамара Дмитриевнаны кытта бииргэ, көмөлөөн “Разведение кроликов в домашних условиях” диэн дакылаат суруйан араас хабааннаах ааҕыыларга кыттар. Джулия агрохайысхалаах оскуола үөрэнээччитэ буолан кроликтарын иитиитигэр биир тутаах киһи буолар. Кроликтара төрөөтөҕүнэ наадыйар  дьону  булан атыылыыр эбит. Салҕыы баҕа санаата кролигын түүтүн туһаҕа таһаарыы. Бу сыл кулун тутар ыйыгар Чурапчы улууһун Одьулуун нэһилиэгэр ыытыллыбыт республиканскай “Чугунов ааҕыыларыгар” кыттан кыайыылаах үрдүк аатын ылла.