Ийэ тыл, сурук-бичик күнэ

Сылын аайы оскуолабытыгар “Ийэ-тыл, сурук-бичик күнэ”  таһаарыылаахтык ыытыллар. Нэдиэлэни саха тылын, литературатын уонна төрү культуура учууталлара Сидорова Т.Д., Бочкарева А.А. тэрийэн ыыталлар.

Оскуола уолаттарын саҥарар саҥаларын байытаары, ийэ тылга тапталы иҥэрээри “Тыл хоһууна” диэн күрэх ыытылынна. Манна уолатттар кылаастарынан хамаандаларга арахсан, бэйэ-бэйэлэрин кытта күрэхтэстилэр.

Оскуолабыт библиотекатыгар быйылгы сыл үбүлүөйдээх суруйааччыларыгар аналлаах быыстапка оҕолор сэҥээриилэригэр турда.

Нэдиэлэни түмүктүүр тэрээһининэн саха эстрадатын сулустарын үтүктэр “Пародия” күрэҕэ ыытылынна. Хас биирдии кылаас бэйэтэ талбыт сулуһун кыһаллан, долгуйан туран артыыстаан көрдөрдүлэр.

Бу курдук, биһиги төрөөбүт тылбытыгар аналлаах нэдиэлэ олус туһалаахтык, интэриэһинэйди ыытылынна.

Суруйда: Карина Павлова

7 кылаас үөрэнээччитэ