“Junior skills профессионалы будущего”

Ахсынньы ыйга биһиги оскуолабыт оҕолоро “Junior skills профессионалы будущего” диэн күрэх бастакы түһүмэҕэр Майа нэһилиэгэр кыттан ситиһиилэннилэр. Бу күрэххэ араас хайысхаҕа дьарыктанар оҕолор хас да сыллаах үлэлэрин түмүгүн кэлэн көрдөрдүлэр. “Дьөһөгөй сиэлиттэн өрүү” салааҕа 6 оҕо кытынна, экспертэр бэлэмнээбит сорудахтарын ылан оҕолор хайдах өйдөөбүттэринэн, сатыылларынан икки күн устата илин кэбиһэр оҥордулар. Уопсай түмүккэ, Ороссолуода орто оскуолатын 6 кылааһын үөрэнээччитэ  Сергеева Наташа,  салайааччыта технология учуутала Аргунова Н.М. 1 миэстэни ылан үөрүүлэрэ үгүс.

Онтон, “Агрономическай үлэлэр” салааҕа биһиги оскуолабыттан 8 кылаас үөрэнээччитэ Соловьева Карина уонна 10 кылаас үөрэнээччитэ Сивцева Айта кыттыыны ыллылар, салайааччылара Ороссолуода орто оскуолатын производственнай үөрэхтээһин сүрүн маастара Антонова В.Д..

Бу салааҕа оҕолор сорудахтарынан: сиэмэни наардааһын, эмтээһин, ыһыы, пикировкалааһын, томаты хоннохтооһун, үүнээйини буортулуур үөннэри араарыы буолла. Уопсай түмүккэ 7 хамаандаттан биһиги кыргыттарбыт үчүгэй көрдөрүүнү ылан 2 миэстэни ыллылар.