Күһүҥҥү быраактыка түмүктэннэ!

“Үлэ киһини киэргэтэр”

Ороссолуода орто агрохайысхалаах оскуолата, сылын аайы күһүҥҥү быраактыкаҕа тахсан үлэлиир. Үөрэнээччилэр уонна үлэһиттэр бары биир санаанан үлэ үөһүгэр түһэбит. Түөрт бааһынаттан хортуоппуй, хаппыыста, моркуоп уонна  сүбүөкүлэ ылабыт. Быйыл моркуоп уонна сүбүөкулэ сирин, кылааһынан арааран, сайын устата көрдүбүт уонна кылаастарынан ким элбэх үүнүүлээҕинэн күрэхтистибит. Ол түмүгэ   “Хомуур-2019”  диэн тэрээһинигэр биллэр. 

Никифорова Алина

Күһүҥҥү быраактыкаҕа хас сылын аайы  кылаастарынан күрэхтэһэбит. Күрэхтэһии баар буолан, бары түргэнник үлэлиибит. Биһиги аграхайысхалаах оскуола буоламмыт бэйэбитин хааччыйабыт.Кыһын устата оҕуруоппут битэмииннээх аһын аһыыбыт

Спиридонов Максим

Ороссолуода орто оскуалатыгар сылын аайы хортуоппуй, моркуоп, сүбүөкүлэ уонна хаппыыста олордобут. Бэһистэн үрдүкү кылаастар бааһынаҕа үлэлиибит. Быйыл номнуо 5-с сылбытын бааһынаҕа үлэлээтибит. Быраактыкаҕа сылдьаммын элбэххэ үөрэнним, оҕуруот аһын сөпкө наардыыбын, арааһын араарабын. Мин санаабар,  оскуолабыт үөрэнээччилэрэ  сыл аайы үлэлээн түмсүүлээх буолаллар уонна кыра эрдэхтэриттэн үлэҕэ-хамнаска үөрэнэллэр.

Титова Настя

Мин оҕуруокка үлэлээн баран, маннык санааҕа кэллим. Хортуоппуй хомуйуутугар киһи тулуурдаах, күүстээх, үлэһит буолар эбит. Таһырдьа сибиэһэй салгыҥҥа үлэлиир доруобуйаҕа үчүгэй. Ордук биһиэхэ иллэҥ кэммитин туһалаахтык атаарарбытыгар үчүгэй.

Васильев Альфред

Биһиги оскуолабытыгар сылын аайы күһүҥҥү хомуурга оҕолор, үлэһиттэр бааһынаҕа үлэлиибит. Биһиги хомуйбут оҕуруоппут аһын кыһыны быһа оскуолабытыгар сиибит. Сүбүөкүлэ, моркуоп, хаппыыста, хортуоппуй үүннэрэбит. Кылааһынан бииргэ үлэлээммит түмсүүлээх, бэйэ-бэйэбитигэр истиҥ сыһыаннаах буолан иһэбит, ким даҕаны туора турбат, бары учууталбыт этиитинэн бииргэ, тэҥҥэ үлэлиибит. 

Антонова Настя

Биһиги оскуолабытыгар балаҕан ыйын 8 күнүттэн быраактыкаҕа үлэлээбиппит. Оҕолор 5-11 кылааска диэри, бары тэҥҥэ хортуоппуй, моркуоп, сүбүөкүлэ, хаппыыста хомуйуутугар үлэлээтибит. Кыһыны быһа хомуйбут оҕуруоппут аһын сиибит. Мин быраактыкаҕа сылдьаммын элбэҕи биллим, көрдүм, элбэххэ үөрэнним. Ким үлэлиир - ол аһыыр.

Петрова Аэлита

Мин санаабар күһүҥҥү быраактыка олус күүстэхтик ааста. Оҕолор бары биир киһи курдук сирдэрин хомуйдулар. Кылаастар сирдэриттэн элбэх куул оҕуруот аһын ыллыбыт. Күһүҥҥү хомуур ситиһиилээхтик түмүктэннэ.

Васильев Ваня

Ороссолуода орто оскуолатын

9 кылааһын үөрэнээччилэрэ