Хомуур – 2016

Ороссолуода орто оскуолатыгар сэтинньи 11 күнүгэр сылын аайы ыытыллар, саамай кэтэһиилээх тэрээһиммит Хомуур – 2016 тэрээһин  ыытылынна.

Бырааһынньыкпыт оскуолабыт дириэктэрин Никифоров Н.Л. эҕэрдэтиттэн саҕаланна. Ол кэнниттэн, дириэктэри производственнай чааска солбуйааччы Антонова В. Д. сайын устата оҕуруокка үлэлээбит моркуоп, сүбүөкүлэ үүннэрбит уонна күһүҥҥү практикаҕа көтүтүүтэ суох сылдьыбыт оҕолору наҕараадалаата.

Бу күн хас биирдии кылаас үөрэнээччилэрэ, учууталлара, төрөппүттэрэ куонкурус түһүмэҕин аайы бэлэмнээх кэлбиттэрин, түмсүүлээхтэрин көрдөрдүлэр. Ол курдук, “Дьикти бүлүүдэ”, бастыҥ бэйэни билиһиннэрии уонна быйылгы сыл интэриэһинэй түһүмэҕинэн кылаастар былыргы кэм бааһынатын, оҕуруот үлэтин араас материалтан оҥорон көрдөрүүлэрэ буолла.

Бу күн түмүгэр, кыайыылаах кылаастар грамоталарынан, бэлэхтэринэн наҕараадаланан үөрдүлэр – көттүлэр. Онон агро-хайысхалаах оскуола саамай кэтэһиилээх, сылы түмүктүүр улахан тэрээһинэ олус таһаарыылаахтык ыытылынна, кэлэр сылга үлэлииргэ өссө күүһү-уоҕу эптэ.

Суруйда: Никифорова Алина 6 кылаас үөрэнээччитэ