Хомуур-2019 бырааһынньыга

Ороссолуода орто оскуолатыгар алтынньы 25 күнүгэр саамай долгутуулаах кун ууннэ, ол курдук  агрохайысхалаах оскуола биир сыллаа5ы улэтин тумуктуур «Күһүҥҥу хомуур»  бырааһынньыга буолан ааста.

Бу сайын уратытынан оскуола оҕолоро кылаастарынан бааһынаҕа төрөппүттэрин кытта үлэлээтилэр. Сайын устата оҕолор моркуобу уонна сүбүөкүлэни көрдүлэр-иһиттилэр.  Күһүҥҥү быраактыкаҕа сайыҥҥы үлэлэрин түмүгүн хомуйан, ыйаан, атыыламмытын кэннэ, элбэх үүнүүнү ылбыт 7 кылаастар, кылаас салаайыччата Корнилова М.А.  “Хомуур-2019” кыайыылааҕынан ааттаннылар уонна  42735 солк наҕараадаланнылар.

Хомуур бырааһынньыгын бастакы күрэҕинэн, алын кылаастарга муода көрдөрөөһүнэ буолла. Оҕолор айылҕа матырыйаалыттан олус да үчүгэй көстүүмнэри тиктэн кэлэн көрөөччү биһирэбилин ыллылар. Бу көрүҥҥэ олус үчүгэйдик аныгы хайысхалаах муоданы төрдүс кылаас көрдөрөн,  бастакы миэстэни ылары ситистилэр.

Ол кэннэ үрдүкү кылаастарга агрооскуола тиэмэлээх визитка күрэҕэ ыытылынна, манна оҕолор оскуолаларын үлэтин-хамнаһын сырдаттылар, билиһинэрдилэр.

Хас биирдии кылаас Кыайыы 75 сылыгар аналлаах “Кыайыы бөрүөгүн” оҥорон, астаан  аҕаллылар. Кылаастар бары кыһаллан, ким минньнигэс, ким эттээх, ким оҕуруот астаах бөрүөктэрин дьүүллүүр сүбэ иннигэр көмүскээтилэр.

Биир сонун, кыраһыабай көстүүнэн буолла фотозона күрэҕэ. Күһүҥҥү тиэмэҕэ хас кылаас аайыттан биирдии хаартыскаҕа туһэр сир оҥоһулунна. Оҕолор олус кыһаллан кэрэ көстүүлэрин бэлэхтээтилэр.

Ону таһынан оскуолабыт көрүдүөругэр хаартыска быыстапката тэрилиннэ.

Бу курдук агрохайысхалаах оскуола биир сүрүн үлэтин түмүгүн таһаардыбыт, “Ким үлэлиир, ол кыайыылаах буолар” диэн тылынан бырааһынньыкпыт түмүктэннэ. Хомуур күнүн  түмүгүнэн кыайыылаах, хотуулаах кылаастар грамоталарынан уонна анал бириистэринэн наҕараадаланнылар.

Суруйдулар: Степанова Нарыйаана, Матвеева Таня

7 кылаас үөрэнээччилэрэ