Хорсун санаалаах оҕолору көрүстүбүт

Муус устар 5 күнүгэр биһиги оскуолабытыгар Хара орто оскуолатын оҕолоро  ыалдьыттаатылар. Бу кэлиилэрэ мээнэ буолбатах эбит, оҕолор 5 сылын ситиһиилээхтик үлэлиир “Марафон” бырайыактарын чэрчитинэн быйылгы марафоннарын Саха сирин бастакы президеныгар М.Е.Николаев 80 сааһын туоларынан сибээстээн   кини төрөөбүт дойдутугар Хаҥалас улууһун Өктөм нэһилиэгэр  айаннаан иһэллэр эбит. Ону таһынан, бу айаннара, “Хорсун санаа” диэн бырайыактарынан Хара нэһилиэгэ 185 сылыгар  ананар. Оҕолор бары баҕа өттүнэн бу айаҥҥа туруммуттар.

Ороссолуода орто оскуолатын “Оптимист” оҕо тэрилтэтэ  Хара үөрэнээччилэрин үөрэ-көтө көрүстүлэр. Көрсүһүү Мэҥэ-Хаҥалас улууһун үөрэҕирии музейын көрүүттэн саҕаланна. Ол кэнниттэн оҕолор оскуолаларын, агро хайысхалаах дьарыктарын туһунан кэпсээтилэр, оонньоон-көрүлээн бу көрсүһүүнү олус интэриэһинэйдик атаардылар

Суруйда: Петрова Аэлита

6 кылаас үөрэнээччитэ