“Хотугу сулус” телерадиоакадемия о5олоро ыалдьыттаатылар

Тохсунньу 21 күнүгэр Ороссолуода орто оскуолатыгар “Хотугу сулус” телрадиоакадемиятын “Төрөөбүт дойдум” диэн уочараттаах үөрэҕин түһүмэҕин оҕолоро опыт атастаһа,  үлэлии кэлэ сырыттылар, барыта  46 оҕо уонна 5 салайааччы ыалдьыттаатылар.

”Хотугу сулус” оҕо телерадиоакадемиятын дириэктэрэ, Саха Республикатын культуратын үтүөлээх үлэһитэ Т.А. Гоголева бэйэтин  үлэтин-хамнаһын туһунан сырдатта, үөрэнээччилэргэ сүбэ-ама биэрдэ.

 Биһиги оскуолабыт үлэтин туһунан үөрэнээччилэр, үлэһиттэр  араас маастар кылаас ыытан көрдөрдүлэр. Оҕолорго анаан “Оптимист” оҕо тэрилтэтэ билсиһии биэчэрин ыытта. Ороссолуода үөрэнээччилэрэ  бу көрсүһүүттэн элбэх интэриэһинэй  билиини ыллыбыт, өссө даҕаны инникитин бииргэ үлэлиэхпит диэн эрэнэбит. 

Суруйдулар: Антонова Настя, Сергеева Наташа