Коммунарскай сбор
Ороссолуода орто оскуолатыгар алтынньы ый 1 күнүгэр «Коммунарскай сбор” буолан ааста. Бу тэрээһини оскуолабыт дириэктэрин иитэр үлэҕэ солбуйааччы Корнилова М.А. уонна оскуола бэйэни салайыныытын хамаандатын оҕолоро иилээн-саҕалаан ыыттылар. Бу тэрээһиҥҥэ оҕолор түөрт хамаандаҕа нэдиэлэ инниттэн арахсаннар, нэдиэлэ устата хамаандаларын аатын, бэйэни билиһиннэрии нүөмэрдэрин бэлэмнэнэн кэлэннэр дьүүллүүр сүбэ иннигэр көрдөрдүлэр.
Иккис түһүмэҕинэн, станцияларынан оонньуу ыытылынна, манна хас станция аайы эдэр учууталлар толкуйдатар, сайыннарар оонньуулары бэлэмнээн оҕолору көрүстүлэр. Бу икки түһүмэхтэн турар оонньууга 11 кылаас үөрэнээччитэ Ушницкай Рома хамаандата бастакы миэстэни ылла.
Түмүккэ, киинэ көрүүтэ буолла, оҕолор бары түмсэн киинэ көрдүлэр. Бу курдук олус интэриэһинэй күн өссө да хатылана туруо диэн оскуола оҕолоро бары кэтэһэ хаалабыт.
Суруйдулар; Антонова Настя, Никифорова Алина
6 кылаас үөрэнээччилэрэ.
