Куйуур күрэҕэр ситиһиилэннибит

Өбүгэлэрбит сиэрдэрин-туомнарын, үгэстэрин умнубакка утумнуу сылдьаары, муус устар 7 күнүгэр Түмул нэһилиэгэр “Куйуур” күрэҕэр оскуолабытыттан биэс киһилээх хамаанда кыттан кэллэ. Хамаандаҕа 6-10 кылаас үөрэнээччилэрэ киирдилэр. Оҕону байанай алгыһыгар, сиэригэр-туомугар үөрэтэр, сиргэ-уокка бэлэм оҥорор сыаллаах “Куйуур” күрэҕэр барыта 8 хамаанда кытынна.

Тыҥааһыннаах күрэх түһүмэхтэрэ:

-         Эстафета

-         Ойбон алларыы

-         Чэй өрүү

-         Куйуурдаан көрдөрүү

Күрэх түмүгүнэн Ороссолуода орто оскуолатын хамаандата “Чэй өрүүтүгэр” – 1 миэстэ, “Эстафетаҕа” – 3 миэстэни ылан уолаттар үөрэн-көтөн ситиһиилэнэн  кэллилэр.