Кырдьаҕастан сүбэтин, эдэртэн эйэтин
“Кырдьаҕастан сүбэтин, эдэртэн эйэтин” диэн өс хоһоонунан салайтаран Ороссолуода орто оскуолатыгар сылын аайы ыытыллар кырдьаҕастар нэдиэлэлэрэ быйыл алтынньы ый саҕатыгар буолан ааста.
Нэдиэлэ устата араас тэрээһиннэр ыытылыннылар, ол курдук Нэдиэлэ устата “Мин эбээм уонна эһээм” диэн тиэмэҕэ оҕолор өйтөн суруйуулара уонна эбээлэрин эһээлэрин кытта түспүт хаартыскаларын быыстапката буолла. Ону таһынан хас биирдии кылаас кырдьаҕастарга анаан амарах санаа муннугун тэрийдилэр, онно оҕолор уонна төрөппүттэр туттар мал-сал, кэнсиэрбэлэммит ас аҕалан уурдулар. Нэдиэлэ түмүгэр, оҕолор Ороссолуода нэһилиэгин ытык кырдьаҕастарыгар кылаастарынан көмөлөһө, эҕэрдэлии бардылар.
Бу курдук, кырдьаҕастарга аналлаах нэдиэлэбит олус туһалаахтык ааста. Нэһилиэкпит ытык кырдьаҕастарын үөрдэртэн үчүгэй туох баар буолуой.
Суруйда: Сергеева Наташа
6 кылаас үөрэнээччитэ
