Математика, физика, информатика учууталларын холбоһуктарын нэдиэлэтэ

Тохсунньу 30 -  олунньу 4 күнүгэр диэри  Ороссолуода орто оскуолатыгар математика учууталлара Сивцева С.Н., Аммосова В.В., физика, информатика  эдэр учуутала Иванова А.А. холбоһуктарын нэдиэлэтэ ыыттылынна.

         1-11 кылаас үөрэнээччилэригэр дьайыы суоттааһыныгар күрэх буолла. Манна оҕолор биир уруок устата төһө элбэх дьайыыны  суоттаабыттарынан миэстэ таҕыста. Бу күрэххэ үөрэнээччилэр көхтөөхтүк кытыннылар.

Сивцева С.Н., Аммосова В.В. 5-6 кылаастарга аһаҕас уруоктары ыытан көрдөрдүлэр, уруоктары эдэр учууталлар, МХ салайааччылара киирэн көрдүлэр.

Физика учуутала Иванова А.А. алын кылаас үөрэнээччилэригэр физикаҕа араас опыттары оҥорон көрдөрдө, оҕолор сэҥээриилэрин ылла. Үрдүкү кылаас үөрэнээччилэрин түргэнник бэчээттээһиҥҥэ бэрэбиэркэлээтэ, манна 9 кылаас үөрэнээччитэ Шахурдина Дайаана тэҥнээҕин булбата.

Түмүктүүр тэрээһининэн,  5-8 кылаастарга “Брейн-ринг” күрэҕэ ыытылынна. Нэдиэлэ устата араас тэрээһиннэргэ ситиһиилээхтик кыттыбыт о5олорго грамота уонна сэмэй бэлэхтэр туттарылыннылар.

Суруйда:   Бочкарева Анастасия