Ороссолуода5а саҥа дьыллааҕы харыйа

2015-2016 үөрэх сылыттан саҕалаан, үгэскэ кубулуйбут саҥа дьыллааҕы харыйа уотун уматыы үөрүүлээх тэрээһинэ буолан ааста. Эрдэттэн оскуола оҕолоругар саҥа дьыллааҕы сорудахтар бэриллибиттэрэ. Ол курдук, бэйэ илиитинэн оҥоһуллубут харыйа оонньуура, оскуолабыт таһыгар төрөппүтү кытта муус оҥоһук оҥоруу, тымныы оҕонньорго үтүлүк тигии уонна кэһии угар наскы куонкурустарыгар бары көхтөөхтүк кытыннылар. Харыйа уотун уматар үөрүүлээх күҥҥэ “Күнчээн” оҕо уһуйаанын баспытааталлара, оҕолоро, оскуола бары үөрэнээччилэрэ, үлэһиттэрэ, нэһилиэк олохтоохторо саҥа дьылы уруйдуу харыйа уотун үөрэ-көтө уматтылар уонна куонкурус түмүктэрин таһаардылар, кыайыылаах оҕолор грамоталарынан, бириистэринэн наҕараадаланнылар.

Суруйда: Никифорова Алина