Төрдүс республиканскай ВИА бөлөхтөрүн күрэҕэр

Быйылгы сылтан Ороссолуода орто оскуолатыгар музыка учуутала Попов Нь.Е. вокальнай-инструментальнай бөлөх саҥа састаабын тэрийэн номнуо араас хабааннаах күрэхтэргэ кытта сылдьаллар. Саҥа бөлөх аата “Сатал” диэн буолла, онно 4-5  кылаастартан Соловьев Герасим, Константинов Айаал, Павлов Данил дьарыктаналлар.

Кулун тутар 29 күнүгэр  “Сааскы тэтим” диэн ВИА бөлөхтөрүн күрэҕэр бастакы сүрэхтэниилэрэ буолла. Ол курдук, кинилэр аан бастакытын улахан сыанаҕа тахсан бэйэлэрин көрдөрөн   дипломунан на5араадаланан бастакы кыайыыларын ситистилэр.  Онтон, кулун тутар 31 күнүгэр төрдүс республиканскай ВИА бөлөхтөрүн күрэҕэр  “Саҥа саҕалааһын” диэн анал аатынан бэлиэтэнэн үөрэн-көтөн төнүннүлэр.

Бу биһиги “Сатал” бөлөхпүт бастакы ситиһиилэрэ, өссө да саҥа саҕахтары арыйа, ситиһиилэри аҕала турдун.

Суруйдулар:   Титова Настя, Петрова Аэлита 6  кылаас үөрэнээччилэрэ