Туйгун үөрэнээччилэр, сааскы бааллара

Туйгун үөрэнээччилэр, сааскы бааллара

“Үөрэх баар-бараммат баай” диэн өс хоһоонугар этиллэрин курдук, үөрэхтэн аныгы олоххо туох барыта тутулуктаах. Ороссолуода орто оскуолатыгар быйылгы үөрэх дьылыгар 33 туйгун үөрэнээччи баар. Бу оҕолор бары, араас таһымнаах дакылааттарга, олимпиадаларга онтон да атын тэрээһиннэргэ ситиһиилэрдээхтэр, чинчийэр үлэлэринэн дьарыктаналлар.

Муус устар 19 күнүгэр биһиги оскуолабытыгар “Туйгун үөрэнээччилэр бааллара” буолла. Бу күн үөрэнээччилэр төрөппүттэрин кытта сибэкки киэргэллэнэн, үөрэн-көтөн кэлэннэр эҕэрдэ тыллары иһиттилэр, сэмэй бэлэхтэри туттулар, үөрэтэр учууталларыгар харда, махтал тылларын эттилэр.

Сылын аайы биһиги оскуолабыт попечителэ Пахомов Александр Алексеевич, үөрэх туйгуннарыгар бэйэтин анал истипиэндийэтин аныыр, быйылгы истипиэндийэни ылары ситистэ, 5 кылаас үөрэнээччитэ Попова Нарыйаана. Ону таһынан, биирдиилээн биридимиэт учууталлара бастыҥ үөрэнээччилэригэр бириэмийэлэрин туттардылар.

Бу курдук, оҕолор уонна төрөппүттэр бу күн дуоһуйа сынньанан, оонньоон-көрүлээн тарҕастылар.

Суруйда: Антонова Настя

Мэҥэ-Хаҥалас улууһун

Ороссолуода орто оскуолатын

8 кылаас үөрэнээччитэ